Қызылордада мал ұрлығымен айналысқан 5 қылмыстық топ құрықталды

- Жедел-іздестіру шаралары барысында мал ұрлығымен айналысқан 5 қылмыстық топтың әрекеті әшкереленді. Бұл топтардың 25 малдың ұрлығына қатысы бары анықталды. 75 ұры құрықталды, - деді департамент бастығының бірінші орынбасары Серік Тоқтыбаев.

Белгіленбеген орындарда қараусыз жүрген мал иелеріне қатысты 851 әкімшілік шара қолданылды.

- Ветеринария қызметкерлерімен бірлесіп жалпы 364 әкімшілік құқықбұзушылық анықталды. Оның 279-ы мал немесе ет өнімін заңсыз тасымалдаумен айналысқан, - деді Серік Тоқтыбаев.

ҚР Ішкі істер министрлігі бұған дейін еліміздегі қай өңірлерде мал ұрлығы көп кездесетінін мәлім етті.