Ресейде СВО сериялы автокөлік нөмірлеріне сұраныс күрт артты

Ресейліктер «СВО» сериялы автокөлік нөмірлері үшін жүздеген мың рубль төлеуге дайын, деп хабарлайды Arasha.kz.

Сатушылардың хабарлауынша, мұндай серияға деген сұраныс өткен жылдың соңында ерекше байқалып, 2026 жылдың бірінші тоқсанында да бұл үрдіс сақталып қалған. Көбінесе мұндай нөмірлерді әйелдер сүйіктілеріне сыйлық ретінде сатып алады. Кейбір клиенттер үшін бұл әріптердің символдық мәні маңызды болса, енді біреулер өз нөмірінің өзгелердікіне ұқсамағанын қалайды, деп жазды Baza телеграм арнасы.

Ерекше тауардың бағасы аймаққа және цифрлардың комбинациясына байланысты. Ең қымбат нұсқалар  «айналы» (мысалы, 121, 343) және толықтай бірдей цифрлар (111, 777). Мұндай нөмірлердің бағасы 300 мың рубльге дейін жетеді, ал бір жыл бұрын оларды орта есеппен 50–80 мыңға сатып алуға болатын еді. Цифрлары әртүрлі, бірақ «әдемі» нөмірлер сәл арзанырақ — бағасы 40 мыңнан 100 мың рубльге дейін (бұрын 15–20 мың рубль болған).

Дәстүрлі түрде ең қымбаты Мәскеу өңірінің нөмірлері (77, 97, 177, 197, 777, 977). Оларға сұраныс әрқашан жоғары болған, бірақ «СВО» сериясымен олар бірнеше есе қымбаттады. Өткен жылы 500–700 мың рубльге нұсқалар табуға болатын болса, 2026 жылы жақсы комбинациялар үшін 1 млн рубльден бастап төлеуге тура келеді.

Сатушылардың айтуынша, бұл қарбалас серияның сирек кездесетінімен және таралымы шектеулі болуы мүмкін екендігімен де күшейіп отыр. Соның салдарынан сұраныс артып, баға да бірге өсуде.