Жұмысшы мамандықтарға сұраныс артты

Елде жұмысшы мамандықтарына сұраныс артып келеді.

Биыл техникалық және кәсіптік білім беру жүйесін дамыту мен кадр даярлау сапасын жетілдіру бағытында ауқымды жұмыстар атқарылды. Әсіресе темірден түйін түйген шеберлер мен техниканың тілін тапқан мамандардың беделін арттыруға басымдық беріліп отыр. Сарапшылардың айтуынша, жұмысшы мамандар арасындағы "WorldSkills Kazakhstan" сынды кәсіби шеберлік конкурстары жастардың салаға деген қызығушылығын оятты. Бүгінде білім беруде дуалды оқыту жүйесіне де басымдық берілген. Бұл әдіс бойынша студенттер  кәсіби дағдыларын тікелей өндірісте шыңдайды. Осылайша теория мен тәжірибе ұштасып, өңірлердегі маман тапшылығы мәселесі біртіндеп шешімін тауып келеді.

Нұрсұлтан Байдильдин, Павлодар машина жасау колледжінің арнайы пәндер оқытушысы:

- 2025 жылы кадр тапшылығы мәселесі бірқатар  оң өзгерістерге ие болды. Әсіресе жұмысшы мамандықтар мен техникалық бағыттағы кадрлар даярлау саласында, жұмысшы мамандықтарына жастарды тартылуы артты және білікті мамандардың саны көбейді. және кадрларды қайта даярлау және біліктлікті арттыру бағдарламасы қайта іске қосылды. Педагогтар мен жұмысшы мамандықтарының біліктілігін арттыру арқылы өндірісті мамандар сапасы жақсарды. Дуалды оқыту бойынша өнеркәсіпте тәжірибе өтіп, оқуды бітірген соң Павлодардың ірі өнеркәсібінде жұмысқа тұрады. Біз әрі қарай жұмыспен қамтамасыз етеміз бітірген соң.