Ринат Мұхаметқали Президент Әкімшілігі бөлімінің меңгерушісі болып тағайындалды: 31 тамыз 17:14 жаңалықтар

Ринат Мұхаметқали Президент Әкімшілігінің Жалпы бөлімінің меңгерушісі лауазымына тағайындалды, - деп хабарлайды Tengrinews.kz тілшісі Ақордағы сілтеме жасап.

"Мемлекет басшысының өкімімен Ринат Зәкиұлы Мұхаметқали Қазақстан Республикасы Президенті Әкімшілігінің Жалпы бөлімінің меңгерушісі лауазымына тағайындалды", - делінген хабарламада.

Ринат Мұхаметқали 1981 жылы Шығыс Қазақстан облысы Зайсан ауданының Шалқар ауылында дүниеге келген.

Дулати атындағы Тараз мемлекеттік университетін заңгер мамандығы бойынша тәмамдаған.

2002-2004 жылдары жеке және мемлекеттік ұйымдарда жұмыс істеген.

2004-2009 жылдары Әділет министрлігі Заңнама департаментінде жетекші маман, бас маман, басқарма басшысының орынбасары және басқарма басшысы қызметтерін атқарған.

2009-2010 жылдары Әділет министрлігі Заңға тәуелді актілер департаменті директорының орынбасары болған.

ҚАЗІР ТАЛҚЫЛАНЫП ЖАТЫР

Қызылорда облысында жыл басынан бері 88 мыңнан астам ағаш көшеті егілді

29 тамыз 15:33 1

2010-2021 жылдары Президент Әкімшілігінде мемлекеттік қызмет және кадр саясаты мәселелері бойынша инспектор, сектор меңгерушісі, бөлім меңгерушісінің орынбасары қызметтерін атқарған.

2021 жылғы қыркүйектен 2022 жылғы ақпанға дейін Мемлекеттік қызмет істері агенттігі аппаратының басшысы болған.

2022 жылғы ақпаннан 2023 жылғы қаңтарға дейін Президент Әкімшілігі басшысының хатшылығының меңгерушісі қызметін атқарған.

2023 жылғы қаңтардан 2025 жылғы қаңтарға дейін Қостанай облысы әкімінің орынбасары болған.

2025 жылғы қаңтарда Мәдениет және ақпарат министрлігі аппаратының басшысы болып тағайындалған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Google News арқылы жаңалықтарымызды қадағалаңыз