Росатом әлемде бірінші болып АЭС реакторындағы радиоактивті қалдықтарды жағып жіберді

Минорлы актинидтер – америций-241 және нептуний-237 сәулеге шалдыққан ядролық отында (СЯО) кездесетін ең радиоактивті және ұзақ өмір сүретін компоненттер. 2024 жылдың жазында бұл минорлы актинидтер MOX-отынына (плутоний оксидтері мен азайған уран қоспасынан тұратын ядролық отын) қосылып, Белоярск АЭС 4-блогының белсенді аймағында сыналды.

Үш отындық микро-науқанды қамтитын жұмыс циклі сәтті өтті. Сәулеленген жинақтар арнайы сақтау бассейнінде салқындағаннан кейін арнайы сараптамаға жіберіледі.

Айта кету керек, минорлы актинидтерді энергетикалық реакторларда «қайта жандыру» арқылы жою – төртінші буын атом энергетикасын құрудағы негізгі элемент.

- Нептуний, америций, кюрий сияқты элементтер сәулелендірілген отын массасының аз ғана бөлігін құрайды. Бірақ оның радиоактивті уыттылығы мен ыдырау жылуына пропорционалды емес маңызды үлес қосады. Олардың болуы қалдықтарды қоршаған ортадан оқшаулау уақыты мен шарттарын анықтайды, - делінген Ресей мемлекеттік атом корпорациясы баспасөз қызметінің мәлімдемесінде.

Болашақта MOX-отыны жинақтарында минорлы актинид мөлшерін көбейту жоспарланған.

- Бұдан басқа, біз жылдам реакторларға арналған нитридті СНУП-отынына кіші актинидтерді қосуды, сондай-ақ «минорлы» отындардың гетерогенді жануын сынауды жоспарлап отырмыз. Бұл жағдайда минорлы актинидтер уран-плутоний отынымен «араластырылмай», реактордың белгілі бір аймақтарына орнатылатын бөлек твэлдер немесе жинақтарға орналастырылады, - деп түсіндірді Росатомның «ТВЭЛ» отын компаниясының өкілі Александр Угрюмов.

Осыған дейін «Росатом» Ирандағы АЭС-тегі жұмысын тоқтатқанын хабарладық.