Сенат Қазақстан мен Түркияның әуе кеңістігін әуе кемелерін өзара транзиттеуге мүмкіндік беретін заңды мақұлдады

Құжатты таныстырған сенатор Дархан Қыдырәлі келісімге 2024 жылы қол қойылғанын еске салды.

- Келісім Қазақстан Республикасына БҰҰ-ның бітімгершілік миссиялары шеңберінде белгіленген жерлерге жету үшін Түркия әуе кеңістігін жүйелі түрде пайдалануға мүмкіндік береді, - деді ол.

Депутат «Ұлттық қауіпсіздік туралы» Заңда Қазақстан аумағы арқылы шет мемлекеттің әскери құрылымдарын, қару-жарағы мен әскери техникасын транзиттеуге арнайы келісімдер мен рұқсаттар арқылы ғана жол берілетінін айтты.

- Келісімді ратификациялау әуе кемелеріне екі мемлекеттің әуе кеңістігін пайдалануға мүмкіндік береді, - деді Дархан Қыдырәлі.

Бұған дейін Қазақстан мен Түркия сауда айналымын 15 млрд долларға жеткізуді көздеп отырғанын жазған едік.