Сеулде Қазақстан туралы көрме өтті

Сеул қаласында Қазақстанға арналған көрме өтіп жатыр.

Онда оңтүстіккореялық журналист Ким Сан Ук түсірген фото және бейнематериалдар ұсынылған. Көрме үш бөлімнен тұрады. Бірінші бөлім Қазақстандағы корейлердің күнделікті тұрмыс-тіршілігіне арналған. Екінші бөлімде елдің табиғаты мен ұлттық дәстүрлері көрсетілген. Ал үшінші бөлімде генерал Хон Бом Доның күлін 2021 жылы Қызылордадан Оңтүстік Кореяға, репат-риациялау үдерісі қамтылған. Экспозиция сеулдіктер арасында үлкен қызығушылыққа ие. КөРменің құрметті қонағы Оңтүстік Корея Ұлттық жиналысының спикері У Вон Сик болды. Ол Қазақстанды және оның халқын өте жақсы көретінін атап өтті. Сондықтан былтыр парламент төрағасы қызметіне кіріскеннен кейінгі алғашқы шетелдік сапарын Қазақстаннан бастаған. Ал көрме авторы, Ким Сан Ук 30 жыл бойы Алматы қаласында тұрып, еңбек етіп келеді. Екі жыл бұрын Ким Қазақстан халқы Ассамблеясының достық елшісі болып тағайындалды.

У Вон Сик, Корея Республикасы Ұлттық жиналысының спикері:

- 1937 жылғы департация кезінде қандастарымызды аман алып қалғаны үшін Қазақстан халқына шексіз алғысымды білдіремін. Көшпелі халықта қонақты құдай айдап келген деп санайды, бұл талай жанның өмірін сақтап қалуға көмектесті. Табиғатына келсек, қызмет бабымен көп жерін көре алмадым, бірақ Шымбұлаққа көтерілдім. Тянь-Шань тауларының асқақтығын сезініп, бұл өлкенің сұлулығына тәнті болдым.

Ким Сан Ук, Қазақстан халқы Ассамблеясының достық Елшісі:

- Алматы - өте әсем қала. Тауларымыз да ерекше. Қар, көркем шатқалдар. Кореяда мұндай табиғат жоқ. Ал Маңғыстауға барғандар үш-төрт күннің ішінде ол жерді дүние жүзіндегі ең үздік орын деп бағалайды.