Боран атты көрме өтті

Көрмеге әртүрлі форматтағы 9 туынды қойылды. Арал теңізінен әкелінген қайық бүгінде мұражайдан табылды. Инсталляцияны Jeltoksan бүркеншік атымен өнер көрсететін Бексұлтан Бақытжанның композициясы сүйемелдеді. Дыбыстық дизайн жел, кеңістік және ішкі қозғалыс сезімін арттырады. Айта кетейік, бұл – суретшінің алғашқы көрмесі. 

– Бұл – менің алғашқы көрмем, сондықтан түрлі жанрдағы туындыларды ұсындым. Суретші болғандықтан, қиялыма шек қоймаймын. Қазір кенеппен жұмыс істеп жатырмын.  Қиялымнан туған туындылардың көрерменге ұнап жатқаны қуантады, – деді суретші Әсел Есжанова . 

Көрменің атауы көптеген концепцияның бір арнаға тоғысуынан туындаған. 

Сымбат БАУЫРЖАНҚЫЗЫ