Шерхан Мұртазаның 6 мың қолжазбасы цифрланды

Қазақ көсемсөзінің жоталы жолбарысы – Шерхан Мұртазаның «Egemen Qazaqstan» газетінде редакторлық еткені мәлім. Қолының табы, көзінің нұры қалған редакция мұрағатында қаламгердің шығармашылық зертханасынан хабар беретін құнды қолжазбалар мен құжаттар, фотосуреттер сақталған еді. Сол қолжазбаларды алдағы заманға аман жеткеру үшін өткен жылдың қазан айында Шерағаның жәдігерлері ұлттық архивке табысталды. Бұл – аманат жүгін ар­қалаған тарихи шешім және маңызды қадам болды. Енді сол аманат толық жүйеленіп, зақымданған жазбалар қалпына қайта келтірілді. Соған орай және баспасөз күнінің аясында Ұлттық архив ұжымы «Шерхан Мұртазаның қаламгерлік қазынасы» тақырыбында дөңгелек үстел өткізді. Жиын ұжымы «Қазақ газеттері» серіктестігімен селбесе ұйымдастырылды, деп хабарлайды Egemen.kz.

Суреттерді түсірген Ерлан ОМАР

Әуелгі құттықтау сөз Премьер-министрдің орынбасары – мәдениет және ақпарат министрі Аида Балаевадан жетті.

«Шерхан Мұртазаның кісілік келбеті мен қарымды қаламгерлігі әрбір ұлтжанды азаматқа үлгі болуға тиіс. Келелі кеңес абыройлы өтіп, ұлттық баспасөз күні құтты болсын», деген рәуіштегі хабарламаны аталған министрліктің құжаттама және кітап ісі комитетінің төрағасы Рустам Әли оқып берді.

Шерхан Мұртазаның «Егеменде» сақталған мұрасы

Шерхан Мұртазаның «Egemen Qazaqstan» газетін басқарған кезеңі – басылымның алтын дәуірі саналады. Келесі сөз кезегі сол жылдары Шерағаның «шекпенінде» тәлім алған, бүгінде аға буын журналистердің өкілі, мемлекет және қоғам қайраткері Сауытбек Абдрахмановқа берілді. Ол бас редактордың қайтпас қайсарлығына тоқталды. Жас журналистерге жігер беріп, ештеңеден тайсалмайтын мінез тәрбиелеген шеберлігін сөз етті.

Рас, Шерхантану бүгін кешенді, көп салалы ғылымға айналды. Оның көркем шығармалары қайта басылып жатыр, пьесалары сахнадан түскен жоқ, публицистикасы бір төбе, жоғары оқу орындарында қаламгердің атында аудитория бар. Алайда оның редактор ретіндегі шеберлігі әлі де толық ашылмаған арал. Сауытбек Абдрахманов Шерхан Мұртазаның осы қырына ғылыми зерттеу қажет екенін баса айтты. Оның сөзін аға журналист Еркін Қыдыр да қуаттады.

Президент журналистерді Ұлттық басылым күнімен құттықтады

Ел газетінің ардагер тілшісі Жанат Елшібек сол кездегі «Социалистік Қазақстан» газетінің табалдырығын аттаған жастық шағын еске алды. Бас редактор Шерхан Мұртазаның ұжымында істегеніне өте бақытты екенін жеткізді.

«Ол тәртіптің адамы еді. Өте жаспын ғой. Редакцияның ішкі талабын білмесем керек, еркін киініп келдім. Сол кезде Шерхан Мұртаза мұнымды қатты сынға алды. Әрдайым галстукпен жүруімді талап қылды. Аға сөзінің қуаты сол әлі күнге дейін газет табалдырығын галстуксыз аттамаймын», деді ақсақал журналист.

«Шерхан  аға – шын мәніндегі реформатор еді. Тағайындалғанына бір ай болмастан, газетке өзгерістерді батыл енгізді. Соның бірі – ай аттары. Ол кезде ай аттары орыс тілінде жазылатын. Шерхан Мұртаза келісімен біз «желтоқсан», «ақпан», «наурыз» деп жаза бастадық. Бізге арқа тіреп бірнеше газет ай аттарын қазақшалады. Артынша «Социалистік Қазақстан» атауын «Егеменді Қазақстан» деп бір-ақ ауыстырды. Бұл үлкен ерлік.

Ағамыздың қатқыл мінезінен, турашылдығынан ыққан біршама замандастарым «Шерағаның азуында шайналып кетпей қалай аман жүрсің?» дейтін. Бірақ редакторымыз сыртқа солай көрінгенімен, жүрегі сондай жылы, жұмсақ-тұғын», деді Жанат Елшібек.

«Egemen Qazaqstan» газетінің бас редакторының орынбасары Талғат Батырхан Шерхан Мұртазаның реформаторлық қабілетін аса жоғары бағалап:

«Газет шығаратын редакторлар болады, газетті жасайтын адамдар болады. Шерағам газетті жасаған жан еді», деп тебіренді Т. Батырхан.

Балбал тастан баспасөзге дейін: Әлем неге газет оқи бастады?

Жиын соңында Ұлттық архивтің директоры Сағила Нұрланова қатысушылардың барлығына алғыс айтып, Шерхан мұрасының архивке толық өткенін, бірқатар қолжазбаның цифрланғанын және ең бастысы өте қауіпсіз жерде сақталып тұрғанын жеткізді.

Айта кетейік, құжаттар әуелі дестеленіп, зертхананың ауа температурасына үйретіледі. Артынша азот толтырылған арнаулы вакуумде сақтайды. Оның ішінде қағаздағы көзге көрінбейтін зиянкестер өледі. Одан алып шығып арнаулы мамандар құжатты қалыпқа кел­тірумен айналысады. Бір парақты өңдеуге бір күн кетеді. Осылайша, «сырқаттанып» келген қолжазбаларды «емдеп» шығады. Тұп-тура адам емі сияқты. Шерхан Мұртазаның «Egemen Qazaqstan» газетінен келіп түскен қағаздар саны 6 мың дананы құрады. Мамандар әрқайсын өңдеп, түгелдей цифрландырды.  

Соңғы жаңалықтар

Күніне 18,5 млн доллар: Ұлттық қордан қанша валюта сатылды?

Қоғам • Бүгін, 15:33

Күрестен халықаралық турнир: Жәмилә Бақбергенова алтын медаль жеңіп алды

Спорт • Бүгін, 15:23

Мұнай алпауыттары Қашағандағы экологиялық талаптарды бұзып келген

Экология • Бүгін, 15:10

Шайбалы хоккейден халықаралық турнирге қатысатын құрам белгілі болды

Хоккей • Бүгін, 15:02

Үндістан Қазақстан азаматтары үшін бір айға тегін виза ұсынды

Әлем • Бүгін, 14:55

Енді қызылшаға қарсы вакцина міндетті: Астана ауруханаларына бала қабылдау ережесі өзгерді

Елорда • Бүгін, 14:43

Ғылымды бюджет есебінен қаржыландыру 3,5 есе ұлғайды

Үкімет • Бүгін, 14:22

Маңғыстаулық студент ұшақ бортында жолаушыға жәрдемдесті

Аймақтар • Бүгін, 14:18

«Жасыл аймақ» басшылығы неліктен жұмысшылардың ақысын төлемеген?

Аймақтар • Бүгін, 14:06

Қару-жарақ пен валюта: Шекарада заңсыз жүк тасымалының жолы кесілді

Қазақстан • Бүгін, 13:33

25% және 33% жеңілдік: Зейнеткерлер мен жастар үшін пойыз билеті арзандайды

Қоғам • Бүгін, 12:47

«Салық жүйесінде қайта тіркелу керек»: Алаяқтарға сенген ақтөбелік 12 млн теңгесінен айырылды

Оқиға • Бүгін, 12:33

Алматыда Балалардың құқығын қорғау басқармасы құрылады

Қоғам • Бүгін, 12:27

Астанада ұландықтар есірткі қылмысының жолын кесті

Әскер • Бүгін, 12:17

Ақпан қан тапсыру айы деп жарияланды: Ақмарал Әлназарова қан доноры болды

Медицина • Бүгін, 12:08

Барлық жаңалықтар