Шетелдегі қазақстандықтарға төлқұжат дайындау уақыты екі есе қысқарады

АСТАНА, 26 наурыз – Sputnik. Сыртқы істер министрлігі "Open NPA" порталында бұйрық жобасын жариялады.

Құжатта шетелде тұратын азаматтардың төлқұжаттарын өңдеу мерзімі 90 жұмыс күнінен 40 жұмыс күніне дейін қысқартылатыны айтылған.

"Бұйрық жобасының мақсаты – "Шетелде тұратын Қазақстан азаматтарының төлқұжатын дайындау үшін құжаттарды қабылдау және оларды жіберу" мемлекеттік қызметін көрсету мерзімін қысқарту. Бұйрық жобасын қабылдау теріс әлеуметтік-экономикалық немесе құқықтық салдарға әкеп соқпайды және ұлттық қауіпсіздікке әсер етпейді", - делінген бұйрықта.

Цифрлық кодекстің қабылдануына байланысты редакциялық түзетулер енгізіліп жатыр.
2026 жылдың 1 қаңтарынан бастап ең төменгі айлық есептік көрсеткіштің (АЕК) 3 932 теңгеден 4 325 теңгеге дейін ұлғаюына байланысты құжаттар құны өсті.

Стандартты 36 беттік төлқұжат 8 АЕК немесе 34 600 теңге тұрады. 48 беттен тұратын кеңейтілген құжат 12 АЕК, яғни 51 900 теңге тұрады.
Балалардың 24 беттік төлқұжаты 4 АЕК, яғни 17 300 теңге.