Шұғыл хабар! Дикий Арман халықаралық ұйымдардан көмек сұрап жатыр (ВИДЕО)

"Дикий Арман" деген лақап атпен танылған Арман Жұмагелдиев халықаралық ұйымдарға арнап видеоүндеу жариялады, деп хабарлайды Arasha.kz.

Айта кетейік, Жұмагелдиев 2022 жылғы Қаңтар оқиғасынан кейін қамауға алынып, 20 жылға бас бостандығынан айырылған.

Видеоүндеуде ол Қазақстанда өзіне қатысты әділетсіздік болып жатқанын айтып, халықаралық институттардан араша сұрады.

"Қазақстанда орын алып отырған заңсыздықтарға байланысты барлық халықаралық ұйымнан көмек сұраймын. Мені азаптап, адам құқықтарын өрескел бұзып отыр. Сот процестері жабық өтуде, ал президент әкімшілігі қаңтар оқиғасына қатысты шындықты халықтан жасыруға тырысып жатыр. Адам құқықтары жөніндегі ұйымдардан, БҰҰ-дан, Еуропарламенттен және өзге де халықаралық құрылымдардан Қазақстандағы осы бассыздыққа назар аударуды өтінемін", – дейді Жұмагелдиев видеода.