Шымкентте онлайн казиноның ауқымды схемасы әшкереленді

Шымкентте мобильді қосымша арқылы заңсыз ойын бизнесін ұйымдастырған қылмыстық топтың жолы кесілді. Жасырын интернет-казино тәулік бойы жұмыс істеп, Қазақстан мен көршілес елдердің ойыншыларын тартып келген, деп хабарлайды Tengrinews.kz Қаржылық мониторинг агенттігіне сілтеме жасап.

Шымкентте мобильді қосымша арқылы заңсыз ойын бизнесін ұйымдастырған қылмыстық топтың жолы кесілді. Жасырын интернет-казино тәулік бойы жұмыс істеп, Қазақстан мен көршілес елдердің ойыншыларын тартып келген, деп хабарлайды Tengrinews.kz Қаржылық мониторинг агенттігіне сілтеме жасап.

Тергеу мәліметтері бойынша, жергілікті тұрғын покер ("Техас холдемі") ойындары өткізілетін онлайн-платформаның жұмысын үйлестірген. Қосымшада Nomad желісіне біріктірілген Vendetta және AMG600L клубтары жұмыс істеген.

Пайдаланушыларды тарту үшін ұйымдастырушылар мессенджерлер мен хабарлама таратуды белсенді қолданған. Сондай-ақ ойыншыларды ұстап тұру үшін бонустар мен көтермелеу жүйесі жұмыс істеген.

Қатысушылар ақшаны банктік шоттарға аударып, кейін ойын "фишкаларын" алған. Ұтыстар қолма-қол ақшаға айналдырылып, пайдаланушылардың карталарына аударылып отырған.

Қылмыстық топтың табысы әрбір ойын үстелінен түсетін 3-тен 5 пайызға дейінгі комиссия есебінен құралған. Сонымен қатар ойыншыларды қызықтыру үшін оларға виртуалды қаражат қарызға беріліп отырған.

ОБСУЖДАЕТСЯ СЕЙЧАС

Қызылордадағы жол апаты: марқұмның отбасы Lexus жүргізушісі кінәлі болуы мүмкін екенін мәлімдеді

30 наурыз 15:27 1

Қазақстанның Халық жазушысы Мұхтар Шаханов өмірден өтті

19 сәуір 22:47 1

“Өкінемін, кінәлімін“: Қостанайда полицейге шабуыл жасағандар кешірім сұрады

02 сәуір 14:44 1

Қаржы ағындарын жасыру үшін "дропперлер" деп аталатын тұлғалардың, соның ішінде шетелдік азаматтардың шоттары пайдаланылған. Реквизиттерін бергені үшін оларға 100-ден 200 мың теңгеге дейін сыйақы төленген.

Тартылған шоттар бойынша жалпы айналым 557 миллион теңгеден асты.

Ұйымдастырушының тұрғылықты жерін тінту барысында есірткі заты да табылып, тәркіленді.

Екі күдіктіге қатысты үйқамаққа алу түріндегі бұлтартпау шарасы таңдалды. Қылмыстық іс сотқа жолданды.

Құмар ойынға қатысушылардың қомақты қаржылай шығынға батқаны, жекелеген жағдайларда бұл сома 30 миллион теңгеге дейін жеткені атап өтіледі.

ҚМА заңсыз құмар ойындарға қатысудың жоғары тәуекелдері туралы ескертті. Қолжетімділік пен пайдаланушыларды тексерудің жоқтығы онлайн-казиноларды, әсіресе жастар үшін өте қауіпті етеді, бұл ойынға тәуелділікке және соған байланысты өзге де мәселелерге әкеп соқтыруы мүмкін.