Шындықты жасырды : полиция туысынан босанған қызға қатысты түсініктеме берді

АСТАНА, 22 қазан - Sputnik. Түркістан облысы Келес ауданында 10 ай бұрын босанған қызға қатысты облыстық полиция департаменті түсініктеме берді. Айтуларынша жасөспірімнің отбасы шындықты жасырып, полицияның өзін алдапты.

Оқушы биыл қаңтарда Астана қаласының медициналық мекемесіне жүкті болып қаралып, кейін босанған.

"Осы факт бойынша қыздың өзі және анасы өзара келісім бойынша қыздың жас жігітімен байланыста болғанын айтып, полицияны тергеу барысынан жаңылыстырған. Осылайша олар арыз жазудан және сараптама жүргізуден бас тартқан", - дейді Түркістан облыстық полиция департаментіндегілер.

Полицияның айтуынша, тек 12 қазанда ғана жәбірленушінің анасы күдікті ретінде 70 жастағы туысына қатысты арыз түсіріп, құқық қорғау органдарына жүгінген.

"Осы факті бойынша Түркістан облысы ПД Келес аудандық полиция бөлімі шұғыл қылмыстық іс қозғап, кәмелетке толмағандарға қатысты құқыққа қайшы әрекеттер фактісі бойынша сотқа дейінгі тергеуді бастады. Күдікті қамауға алынды. Қазіргі уақытта тергеу жалғасып жатыр. Тергеу әрекеттерінің барысы Түркістан облысы полиция департаменті басшылығының қатаң бақылауында", - дейді ведомство өкілдері.

Бүгін балалар омбудсмені Динара Зәкиева атасынан босанған жасөспірімге қатысты жазба жариялады. онда Келес аудандық полиция бөлімі істі ақырына дейін жеткізбегенін айтқан.