Софья Самоделкина: Қазақстан менің анамның Отаны

Спортшының айтуынша, оның өміріндегі жаңа кезең 2023 жылы басталған. Дәл сол жылы ол анасының Отаны – Қазақстан Республикасының атынан өнер көрсете бастаған.

"Бұл – мен үшін үлкен мәртебе әрі зор жауапкершілік. Маған сенім артты. Маған тұтас бір ел қолдау білдіріп отыр. Қазақстан Республикасына көрсеткен сенімі мен қолдауы үшін шын жүректен алғыс айтамын", – деді Софья Самоделкина.

Сурет: Сали Сабиров

Мәнерлеп сырғанаушы өзіне қолдау көрсеткен жандарға ризашылығын білдірді.

"Ең алдымен анама алғыс айтқым келеді. Табандылығы, талапшылдығы, төзімі және өзім күмәнданған сәттерде де маған сенгені үшін рахмет. Бұл – оның да Олимпиадасы", – деп атап өтті спортшы.

Сондай-ақ Самоделкина жанкүйерлеріне ерекше алғыс білдірді.

"Мен өнер көрсеткен сәтте жүректеріңіздің қалай дүрсілдегенін білемін. Қолдауларыңызды сезіндім. Хабарламаларыңыз, тулар, жылы сөздеріңіз – әрдайым менімен бірге жүретін қуат", – деді ол.

Сурет: Сали Сабиров

Бұған дейін Қазақстан конькимен жүгіруден Әлем кубогы кезеңінде 13 медаль жеңіп алғанын жазғанбыз.