Сотталған қазақстандықтардың цифрлық активтері мемлекеттік қорға беріледі

Сотталған қазақстандықтардың қазіргі уақытта шетелдегі "салқын" әмияндарда сақталған цифрлық активтерін мемлекеттік криптоқорға беру жоспарланған. Бұл туралы Сенат кулуарында Ұлттық банк төрағасы Тимур Сүлейменов мәлімдеді, деп хабарлайды Tengrinews.kz.

Сотталған қазақстандықтардың қазіргі уақытта шетелдегі "салқын" әмияндарда сақталған цифрлық активтерін мемлекеттік криптоқорға беру жоспарланған. Бұл туралы Сенат кулуарында Ұлттық банк төрағасы Тимур Сүлейменов мәлімдеді, деп хабарлайды Tengrinews.kz.

Сүлейменовтің айтуынша, бірқатар сотталған азаматтың иелігінде қомақты цифрлық активтер жинақталған. Қаражат Қазақстан аумағынан тыс жерде орналасқан және техникалық тұрғыдан жеткілікті деңгейде қорғалмаған.

"Олар шетелдегі "салқын" әмияндарда сақтаулы, техникалық жағынан қорғалмаған. Ал құқық қорғау органдарының мұндай активтерді басқаруға құзыреті жетіспейді", - деді Тимур Сүлейменов.

Анықтама: Салқын әмиян - бұл криптовалютаны сақтау әдісі, мұнда жеке кілттер (қаражатқа қол жеткізу мүмкіндігі) офлайн режимде болады, яғни интернетке қосылмайды.

Осыған байланысты мұндай активтерді мемлекеттік криптоқорға өткізу туралы шешім қабылданды.

Ұлттық банк төрағасы қажетті инфрақұрылымның дайын екенін хабарлады. Қор Ұлттық инвестициялық корпорация мен Орталық депозитарий негізінде жұмыс істейтін болады.

"Ең бастысы - мұндай активтер біздің юрисдикциямызда болады және үшінші елдердің талап-арыздарынан қорғалады", - деп атап өтті Сүлейменов.

2025 жылғы қыркүйекте Президент Қасым-Жомарт Тоқаев Ұлттық банктің инвестициялық корпорациясы негізінде мемлекеттік цифрлық активтер қорын құруды тапсырды. Ол болашағы зор цифрлық активтерден стратегиялық крипторезерв жинақтайды деп болжанған еді.

Кейінірек Ұлттық банк крипторезервті толықтырудың негізгі көздерінің бірі тәркіленген цифрлық активтер болуы мүмкін екенін хабарлады. Сондай-ақ Ұлттық қор қаражаты мен алтын-валюта резервтерінің бір бөлігін криптонарыққа қатысты құралдарға инвестициялау мүмкіндігі қарастырылды.

2025 жылы Қазақстанда цифрлық активтерге арналған арнайы құқықтық режим іске қосылды. Оның аясында нақты активтерді токенизациялауды, стейблкоиндар шығаруды және крипто-фиаттық арналарды құруды қоса алғанда, 30-дан астам пилоттық жоба жүзеге асырылды.