Сүйінші! : Арман Дүйсеновтің жұбайы қуанышты жаңалығын жеткізді (видео)

Марқұм сазгер, композитор Арман Дүйсеновтің жұбайы Айсұлу Айданқызы баспанасын сот арқылы қайтарып алды , – деп жазды Aikyn.kz.  

Бұл туралы журналист Руслан Өтепбай әлеуметтік желіде жариялады.

«Ардақты ағайын сүйінші. Арман Дүйсеновтің келіншегі Айсұлу ханым соттың шешімімен үйін қайтарып алды. Қолдау көрсеткен барша қазақ еліне Айсұлу ханым алғысын білдіріп жатыр», - деді тележүргізуші.

Айта кетейік, композитор Арман Дүйсеновтің жұбайы отбасындағы қайғылы жағдайдан кейін сұхбат берген болатын. Ол ұлының жұмбақ өлімі туралы айтқан. Осыдан кейін тағы бір қиындыққа тап болғанын жеткізген еді.

Айтуынша, күйеуі мен ұлын жерлеп болған соң, әлдекімдер өзінен үйін тартып алмақ болған.

Сараптама, зерттеу мақала, күнделікті өзекті ақпаратты «Айқынның» TELEGRAM  арнасынан табасыз.