Swiss Air ұшқышы борттағы төтенше жағдайдан кейін Алматы ауруханасына жеткізілді

Алматыда SWISS әуекомпаниясының ұшағы шұғыл қонғаннан кейін екінші пилот ауруханаға жатқызылды. Бұған дейін әуе кемесі оның денсаулығының нашарлауына байланысты мәжбүрлі түрде қонған болатын, - деп хабарлайды Tengri Travel.

Алматыда SWISS әуекомпаниясының ұшағы шұғыл қонғаннан кейін екінші пилот ауруханаға жатқызылды. Бұған дейін әуе кемесі оның денсаулығының нашарлауына байланысты мәжбүрлі түрде қонған болатын, - деп хабарлайды Tengri Travel.

Алматы әуежайының баспасөз қызметі мәліметінше, 2026 жылғы 6 мамырда сағат 12:48-де әуе айлағына Сеул – Цюрих рейсін орындаған Airbus A350 ұшағы қонды.

Шұғыл қонуға екінші пилоттың денсаулығының нашарлауы себеп болған. Алдын ала мәлімет бойынша, одан жедел абдоминальды синдром белгілері байқалған.

"Ұшақ қонған сәтте оны әуежайдың медициналық қызметі күтіп алды. Мамандар алғашқы медициналық көмек көрсетіп, содан кейін белгіленген тәртіппен пациентті қалалық жедел жәрдем бригадасына тапсырды. Қажетті тексеруден өту және әрі қарай емделу үшін пилот №4 қалалық ауруханаға жеткізілді", - деп хабарлады баспасөз қызметі.

Еске сала кетейік, SWISS әуекомпаниясының Airbus A350 ұшағы Қазақстан әуе кеңістігінде дабыл белгісін берген болатын. Flightradar24 сервисінің мәліметінше, борт Балқаш аумағында болған, кейіннен Алматыға бағытталған.

Google News арқылы жаңалықтарымызды қадағалаңыз