Сыңғырла, алғашқы қоңырау!

1-сынып оқушыларының ең көбі Түркістан облысында – 50 мыңнан астам, Алматы облысын­да – 35 мыңнан астам, Астанада – 33 мың, Алматыда – 31 мың­нан астам және Шымкент­те – 29 мыңнан астам. Оның себебі де белгілі, аталған өңір­лерде халық көп тұрады, сондықтан туу деңгейі де жоғары. 

Биылғы оқу жылында оқушыларды бір­қатар жаңашылдық күтіп тұр. Мәсе­лен, бастауыш сынып оқушылары, оның ішінде 2-4-сынып оқушыларын баға­лау­дың жаңартылған тәсілдері енгізіледі. Де­генмен критериалды бағалау жүйесі сақ­талады. 

Жаңа тәртіп бойынша формативтік ба­ғалау­дың рөлі күшейіп, оның тоқ­сан­дық бағадағы үлесі артады. Формативтік ба­ғалау бұрынғыдай 1-ден 10 балға дейін­гі шкала бойынша жүргізіле­ді. Сонымен қа­тар оқу бөлімдерін меңгеру нә­тижесін анық­тау үшін аралық бағалау енгізіледі. Оның негізгі нысандарының қатарында дик­тант, бақылау жұмысы, шығарма жә­не мазмұндама болады. Мұндай жұмыс­тар­ды орындауға толық сабақ уақыты – 45 минут беріледі.  

Екіншіден, мектептерде оқушылар­дың құқықтық сауаттылығын арттыруға ба­ғытталған жаңа міндетті оқу курстары ен­гізіледі. Атап айтқанда, 5-7-сы­нып­тарда – «Конституция негіздері», 8-11-сынып­тар­да – «Заң және тәртіп», 5-11-сынып­тар­да – «Жеке қауіпсіздік» пәндері оқы­тылады. Сонымен қатар «Құқық негіз­дері» пәнінің мазмұны Конс­титуция та­лап­тарына сәйкес жаңар­тылады.  

Үшіншіден, 2026-2027 оқу жылында мек­теп пәндерінің қатары жасанды ин­тел­лект бағытымен толығады. Айталық, 1-4-сыныптардағы «Цифрлық сауат­ты­лық» пәнінің атауы «Цифрлық сауат­ты­лық және жасанды интеллект» болып өз­гере­ді. Ал 5-11-сыныптардағы «Инфор­ма­­­тика» пәні «Инфор­матика және жа­сан­ды интеллект» деп аталады. Пән­дердің мазмұнына жасанды интеллект бойынша жаңа бөлімдер енгізіліп, барлығы 43 оқу мақсаты қамтылады. Сол арқылы барлық оқу­шы жас ерекшеліктеріне қарай әр­түрлі деңгейде жасанды интеллект негіз­дері­мен танысып шығады. 

Сонымен қатар Оқу-ағарту министр­лігі 2026-2027 оқу жылының басталу және аяқ­талу мерзімдерін, сондай-ақ орта бі­лім беру ұйымдарындағы оқушылардың демалыс кезеңдерін де әлдеқашан бекітіп қойды. Оқу жылы әдеттегідей 25 мамырға дейін жалғасады. 

Оның ішінде бірінші тоқсан 8 аптаға со­зылып, күзгі демалыс 7 күн – 26 қазан мен 1 қараша аралығында өтеді. Екінші тоқ­сан да 8 апта, ал қысқы демалыс 14 күн­ге созылып, ол 28 желтоқсан мен 2027 жыл­ғы 10 қаңтар аралығына түседі. Бірін­ші сынып оқушылары үшін 2027 жылғы 8-14 ақпан аралығында 7 күндік қосымша демалыс қарастырылған. Үшінші тоқ­сан­да оқушылар 10 апта оқып, көктемгі де­малысты 22-28 наурыз аралығында 7 күн өткізеді. Төртінші тоқсан 8 оқу аптасына со­зылып, 2027 жылғы 25 мамырда аяқ­та­ла­ды. Сондай-ақ  9 (10) және 11 (12)-сы­нып түлектерінің қорытынды аттестаттау мер­зімдері бекітілген. 

Бекбол АМАНГЕЛДІ