Талдықорғанда таныстарын кредит алуға мәжбүрлеген қылмыстық топ ұсталды

АСТАНА, 7 сәуір – Sputnik. Талдықорғанда қаланың 19 жастағы екі тұрғыны ұсталды, деп хабарлады Жетісу облыстық полиция департаменті.

Олар таныстарын зорлық-зомбылық жасаймыз деп қорқытып, ақша бопсалаумен айналысты деген күдікке ілінді.

"Қылмыстық схема 2024 жылдың күзінен бастап әрекет еткен. Жәбірленушілер несие рәсімдеп, алған қаражатын күдіктілерге берген", - дейді полиция.

Тергеу мәліметі бойынша 6 адам зардап шегіп, 2 миллион теңгеден астам шығын көрген.

Қазіргі уақытта күдіктілер қамауға алынды. Қылмыстық іс сотқа жіберілді.