Талдықорғанда тұрмыстық химия өнімі тәркіленді

Талдықорғанда құтыға құйылған 9700-ден астам тұрмыстық химия өнімі тәркіленді.

Сапасы күмән тудыратын тауар жергілікті кәсіпкердің шағымынан кейінгі тексеріс барысында анықталды. Әділет департаментінің қызметкерлері құны 3 млн 900 мың теңге тұратын сұйықтықты сауда айналымынан шығарды. Әкімшілік іс мамандандырылған ауданаралық сотында қаралып, заң бұзған азаматқа 30 айлық есептік көрсеткіш көлемінде айыппұл салынды.  

Елтай Әубәкіров, облыстық әділет департаментінің бөлім басшысы:

- Осы бағыттағы шаралар жыл басынан бері алты өтініш негізінде жүргізілді. Әртүрлі тұрмыстық заттар, телефон құрылғылары, косметикалық заттар тәркіленіп алынды. Бұлардың барлығының зардабы халық денсаулығын қорғау, заң бұзушылықты болдырмау мақсатында жүргізілді.