Тамыз айында ауа райы қандай болады

АЛМАТЫ, 1 тамыз – Sputnik. Жаздың соңғы айында еліміздің оңтүстігі мен батысында ауа райы негізінен ыстық, ал солтүстік жартысында жаңбырлы, найзағайлы әрі салыстырмалы түрде салқындау болады, деп хабарлайды Қазгидромет.

Тамыздың бірінші онкүндігінде Қазақстанның басым бөлігінде ауа райы құбылмалы болады. Күн күркіреп, жаңбыр жауады, екпінді жел соғып, бұршақ жаууы мүмкін, кей уақытта елдің солтүстігінде, орталығында, шығысында, кезең ортасында оңтүстік-шығыстың таулы және тау бөктеріндегі аудандарында қатты жаңбыр жауады деп болжанады.

Алайда бірінші онкүндіктің ортасынан бастап республиканың батыс жартысында және орталығында жауын-шашын қысқа мерзімге тоқтайды деп күтіледі.

Тамыздың бірінші онкүндігінде Қазақстанның батысы мен солтүстік-батысында күндізгі ауа температурасы +25+35°С-тан +34+39°С-қа дейін, Атырау облысының оңтүстігінде +41°С-қа дейін; Маңғыстау облысында +35+40°С-тан +39+44°С-қа дейін біртіндеп көтеріледі.

Күндізгі ауа температурасы төмендейді:

солтүстікте және Қостанай облысында +25+35°С-тан +20+28°С-қа дейін, онкүндіктің соңында қайтадан +30+38°С-қа дейін ыстық болады;

оңтүстікте +39+44°С-тан +29+36°С-қа дейін төмендейді.

Орталық пен шығыста +33+41°С қатты ыстықтан +22+31°С-қа дейін сынап бағанасы төмендейді.

Оңтүстік-шығыста ауа температурасы +34+39°С, Жамбыл облысында +42°С-тан +27+35°С-қа дейін болады.

Тамыздың екінші және үшінші онкүндіктерінде республиканың солтүстік жартысында ауа температурасы түнде +3+8°С-тан +10+18°С-қа дейін, күндіз +17+25°С-тан +25+35°С-қа дейін көтеріледі.

Батыста және елдің оңтүстік жартысында түнде +17+27°С-тан +13+18°С-қа дейін, күндіз +32+42°С-тан +25+35°С-қа төмендейді.