Тимур Сүлейменов: Салық және бюджет реформалары инфляцияны төмендетуге көмектеседі

Ұлттық банк басшысы Тимур Сүлейменов Қазақстан қаржыгерлерінің XIII конгресі барысында салық және бюджет реформалары Қазақстандағы инфляцияны төмендетуге көмектесетінін айтты, деп жазады Egemen.kz.

Фото: Ашық дереккөз

Сүлейменовтың айтуынша, бюджет тапшылығын азайту жоспарланған, ал Ұлттық қордан трансферттер қысқартылады. Сүлейменов бұл саясаттың іс жүзінде жүзеге асырылуы маңызды екенін атап өтті.

«Салық-бюджет саясаты қатаңдатылған сайын тарифтер бойынша да бұл шаралар неғұрлым ұзаққа созылады (ТКШ тарифтерінің және бензин бағасының көтерілуі кейінге қалдырылды) және неғұрлым бақылауға алынады. Бұл шаралар кешені инфляцияны төмендетуге көмектеседі. Бұл бізге ақша-кредит саясатын біртіндеп жұмсартуға мүмкіндік береді», деп мәлімдеді Ұлттық банк басшысы.

Бұған дейін Тимур Сүлейменов Ұлттық банктің жоғары базалық мөлшерлемені сақтап қалу мақсатының жоқтығын мәлімдеген болатын. Ұлттық банктiң ақша-кредит саясаты мемлекеттiң салық-бюджет саясатымен айқындалады.