ТМД елдерінде алимент төлемейтін борышкерлерге қарсы шаралар күшейтіледі

Мәжіліс депутаттары ТМД елдерінде алимент өндіру тетігін жетілдіруге бағытталған заң жобасын жұмысқа алды, деп хабарлайды Zakon.kz.

Құжаттың толық атауы – «Азаматтық, отбасылық және қылмыстық істер бойынша құқықтық көмек пен құқықтық қатынастар туралы 2002 жылғы 7 қазандағы Конвенцияға өзгерістер енгізу туралы хаттаманы ратификациялау туралы».

Мәжіліс депутаты Снежанна Имашеваның айтуынша, бұл заң жобасы сот актілерін орындау кезінде туындайтын құқықтық олқылықтарды жоюға және балалардың мүддесін қорғауды күшейтуге бағытталған.

– Құжат ТМД елдері арасындағы құқықтық ынтымақтастықты нығайтып, кәмелетке толмаған балаларға алимент өндіру жөніндегі сот шешімдерінің өзара танылуы мен орындалуын қамтамасыз етеді, – деді депутат.

Бүгін, 12:18