Төлқұжат енді қажет болмай қалуы мүмкін бе? Астана әуежайында жаңа жүйе енгізу жоспарлануда

Астана әуежайында жолаушылардың биометриясын енгізу жоспарланып отыр. Қазақстан Көлік министрлігінің тиісті бұйрық жобасы "Ашық НҚА" порталда жарияланды, деп хабарлайды Tengri Travel.

Жолаушылар үшін не өзгереді?

Құжатқа сәйкес, биометриялық сәйкестендіруді енгізу Астана әуежайында жолаушыларға қызмет көрсету процесін жақсартуға бағытталған. Пилоттық жоба келесі нәтижелерге қол жеткізуге мүмкіндік береді деп күтіледі.

жолаушыларға қызмет көрсету уақытын қысқарту; ұшу алдындағы рәсімдерден өтуді оңтайландыру; әуежайдағы қауіпсіздік деңгейін арттыру.

Сонымен қатар жарияланған құжатта биометрияның нақты қай кезеңдерде қолданылатыны және оның құжат тексеруді алмастыратыны не алмастырмайтыны белгісіз.

Бұйрық жобасы Қазақстанның Цифрлық кодексінің 48-бабы 4-тармағына сәйкес дайындалған. Бұйрық 4 қарашаға дейін жария талқылаудан өтіп жатқандықтан, пилоттық жобаның түпкілікті параметрлері мен іске қосылу мерзімі әзірге белгісіз.

Биометрия дегеніміз не?

Биометрия - бұл адамды оның бірегей физикалық немесе мінез-құлық сипаттамалары бойынша тану. Мысалы, бет әлпеті, саусақ ізі немесе дауысы арқылы.

Әуежайда бұл былай жұмыс істеуі мүмкін: камера жолаушының бетін сканерлейді, ал жүйе жасанды интеллект көмегімен оны жеке басын растау үшін фотосуретпен немесе басқа деректермен салыстырады.

Маңызды: биометрия - бұл тек бетті тану ғана емес. Бұл адамды оның жеке сипаттамалары бойынша сәйкестендіру технологияларының жалпы атауы.

Айта кетейік, Қазақстан әуежайларында биометрияны енгізу мәселесі алғаш рет талқыланып отырған жоқ. 2026 жылғы мамырда Көлік министрі Нұрлан Сауранбаев ішкі рейстердің жолаушылары үшін биометриялық жүйені енгізу жоспары туралы хабарлаған болатын. Ол кезде пилоттық жобаны Астана - Шымкент бағытында іске қосу жоспарланған еді.

Бізді Google-дың негізгі дереккөздер тізіміне қосыңыз

Қосу