Тоқаев Рим Папасын Қазақстанға шақырды

АСТАНА, 11 желтоқсан – Sputnik. Президент Қасым-Жомарт Тоқаев Рим Папасын Қазақстанға шақырды, деп хабарлайды Сенаттың баспасөз қызметі.

Парламент Сенатының Төрағасы, Әлемдік және дәстүрлі діндер көшбасшылары съезі Хатшылығының басшысы жұмыс сапарымен барды.

Сенат төрағасы Мәулен Әшімбаев бастаған бір топ депутат Ватиканға сапары аясында Рим Папасы XIV Леоның аудиенциясында болды.

"Сенат төрағасы Рим Папасы XIV Леоға Қазақстан Президенті Қасым-Жомарт Тоқаевтың жылы лебізін және елімізге Апостолдық сапармен келу жөніндегі шақыруын жеткізді. Мәулен Әшімбаев кездесуде Қазақстанның Ватиканмен көпжоспарлы ынтымақтастықты одан әрі нығайтуға мүдделі екенін атап өтті", -деп жазылған хабарламада.

Мәулен Әшімбаев аудиенция үшін алғыс білдіре отырып, Ватикан делегациясы Әлемдік және дәстүрлі діндер көшбасшыларының VIII Съезінің Қорытынды декларациясын әзірлеуге белсенді қатысқанын атап өтті.

© Пресс-служба парламента КазахстанаСпикер Сената Маулен Ашимбаев передал Папе Римскому Льву XIV специальное послание Президента Казахстана Касым-Жомарта Токаева

Спикер Сената Маулен Ашимбаев передал Папе Римскому Льву XIV специальное послание Президента Казахстана Касым-Жомарта Токаева

© Пресс-служба парламента Казахстана

Ал Рим Папасы XIV Лео Қазақстанның түрлі діндердің өкілдері арасындағы бейбітшілікті жолға қою және жаһандық деңгейде өркендеуді ілгерілету жөніндегі бастамаларын жоғары бағалайтынын жеткізді.

Понтифик қазіргі сын-қатерлер жағдайында Әлемдік және дәстүрлі діндер көшбасшыларының съезі аясында жасалып жатқан ізгі амалдар мен қадамдардың маңызды екенін атап өтті. Сондай-ақ ол Қасиетті Тақ тарапы мұндай миссияны үнемі қолдайтынын айтты.