Трамп сомалиліктерді депортацияламақ

АҚШ президенті Дональд Трамп Миннесота штатындағы сомалиліктерді лаңкестік жасап, миллиардтаған доллар жымқырды деп айыптады. Сондықтан ол штаттағы сомалиліктерді депортациядан уақытша қорғайтын бағдарламадан шығарып тастайтынын мәлімдеді. 

Құжат адам өміріне қауіпті елдер азаматтарына АҚШ-та тұрып, жұмыс істеуге мүмкіндік береді. Қазір Президенттің шешімі күшіне енді. Алайда сарапшылар: «мұндай шараларды алдын ала ескертусіз бірден іске асыру адам құқығын бұзады», - дейді. Биліктің мәліметіне сүйенсек, елде жүздеген сомалилік осы бағдарлама шеңберінде тұрып жатыр.