Трамп Украина дағдарысы оңынан шешілетініне үміттенетінін айтты

АСТАНА, 29 қазан – Sputnik. АҚШ президенті Дональд Трамп Украина дағдарысы оңынан шешілетініне сенім білдірді, деп хабарлады РИА Новости.

"Сегіз айда сегіз қақтығыс шешілді. Менің ойымша, тағы біреуі шешіледі. Мен Украинаға қатысты оңай келісімдердің бірі болады деп ойладым. Ресей мен Украина арасында емес, Таяу Шығыста бейбітшілікке қол жеткіземіз деп кім ойлаған. Таяу Шығыста бейбітшілік орнату мүмкін емес еді", - деді Трамп АТЭС саммитіндегі сессияда.

Трамп Ресей Федерациясының президенті Владимир Путинмен қарым-қатынасының арқасында Украинадағы жағдайды тез арада реттеуге үміттенгенін де айтты.

16 қазанда Ресей мен АҚШ көшбасшылары Владимир Путин мен Дональд Трамп биылғы жылы сегізінші рет телефон арқылы сөйлесті.

Екі жарым сағатқа созылған әңгімеден кейін Ресей президентінің көмекшісі Юрий Ушаков Мәскеу мен Вашингтон екі ел басшыларының Будапештте өтуі мүмкін жаңа кездесуіне дереу дайындала бастайтынын хабарлады. Ушаковтың айтуынша, АҚШ басшысы Венгрия астанасын ұсынған, ал Ресей президенті бұл идеяны қолдаған. АҚШ тарапы кейіннен бұл кездесуді кейінге қалдырған. Ресей СІМ екі ел президенттерінің кездесуі толыққанды ұйымдастыруды қажет ететін шара екенін алға тартты.