Трамп Украинадағы қақтығысты аяқтау бойынша үлкен жұмыс жасап жатыр Ресей президенті

АСТАНА, 19 желтоқсан – Sputnik. Президент Трамп Украинадағы қақтығысты аяқтау бойынша үлкен жұмыс жасап жатыр, деп мәлімдеді Ресей президенті Владимир Путин.

"Президент Трамп Украинадағы қақтығысты аяқтау бойынша үлкен жұмыс жасап жатыр. Бұған дейін бірнеше рет айтқанымдай, ол мұны шын ниетімен орындап жатыр. Сонымен қатар, Трамппен Анкоридждегі кездесуде біз оның ұсыныстарына түгелдей дерлік келістік деуге болады. Сондықтан Ресей қандай да бір ұсынысты қабыл алмай отыр деу орынсыз және бұлай айтуға ешқандай негіз жоқ", - деді Путин.

Ол Мәскеудегі алдын ала кездесулер барысында Ресей тарапына ұсыныстар жасалғанын айтты.

"Кейіннен Анкориджге барғанда мен "біз үшін бұл оңай шешім болмайтынын, бірақ біз өзімізге жасалған ымыраны есепке алып, ол ұсыныстарға келісетінімізді" айттым. Сондықтан Ресей қандай да бір ұсынысты қабыл алмай отыр деуге негіз жоқ. Бұл мәселе ең алдымен Киев режимінің басшысына және оның еуропалық одақтастарына қарап тұр. Біз келіссөздерге де және қақтығысты бейбіт жолмен аяқтауға да дайынбыз", - деді Ресей президенті.

Бүгін Мәскеуде Ресей президентінің жылдық қорытынды баспасөз конференциясы тікелей эфирде өтіп жатыр. Владимир Путин 2025 жылдың қорытындысын шығарып, журналистердің сұрақтары мен ресейліктердің өтініштеріне жауап береді. Баспасөз конференциясына ресейлік және шетелдік БАҚ-тан 600-ге жуық журналист қатысады деп хабарланған.