Тротуармен жүруге бұдан былай тыйым салынады: Қазақстанда жақын арада маңызды жаңалық күшіне енеді

Қазақстан Президенті Қасым-Жомарт Тоқаев электр велосипедтерді мопедтерге теңестіретін заңға қол қойды, деп хабарлайды Tengrinews.kz Түзету "Жол жүрісі туралы" заңға енгізілді.

Қазақстан Президенті Қасым-Жомарт Тоқаев электр велосипедтерді мопедтерге теңестіретін заңға қол қойды, деп хабарлайды Tengrinews.kz Түзету "Жол жүрісі туралы" заңға енгізілді.

Мопедтер туралы тармақшаға "қозғалтқышы бар велосипедтер" деген тұжырым қосылды. Бұл электр велосипедтердің бұдан былай мемлекеттік есепке алынатынын және нөмірлік белгілер алуы тиіс екенін білдіреді.

Олардың жүргізушілері мопед айдайтындар үшін белгіленген ережелерді сақтауға міндетті: атап айтқанда, велосипед жолдарымен, велосипед жүру жолақтарымен, жол жиектерімен, тротуарлармен және жаяу жүргіншілер жолдарымен жүруге тыйым салынады.

Бұл бастама тротуарларда жаяу жүргіншілер арасында жоғары жылдамдықпен жүретін электр велосипедшілерге қатысты қала тұрғындарынан шағып жиілеп кеткеннен кейін пайда болды.

Бұл ретте заң электр көлігінің әр түрін нақты ажыратады. Кішігірім электр көлік құралдары - гироскутерлер, сигвейлер, монодөңгелектер және электр мотоскейтбордтар үшін велосипед жолдарымен жүру құқығы тікелей бекітілген. Олардың жолдың жүру бөлігіне шығуына тыйым салынады.

Заң ресми жарияланғаннан кейін күнтізбелік 60 күн өткен соң күшіне енеді.

Google News арқылы жаңалықтарымызды қадағалаңыз