Түркістанда бір отбасы көмір түтініне уланып қалған

Оқиға Сарыағаш ауданы, Ақжар ауылы, Мәңгілік көшесінде болған. Төтенше жағдайлар қызметінің хабарлауынша, оқиғаға жылыту пешінің ақауы себеп болған. Салдарынан түтін үй ішіне тарап, тұрғындардың денсаулығына зиян келген, деп хабарлайды Egemen.kz.

Фото: istockphoto.com

Зардап шеккен жеті адамды дәрігерлер тексеріп, жағдайлары тұрақталғаннан кейін үйлеріне жіберілген. Ал, үй йесі өрт қауіпсіздігі ережелерін бұзғаны үшін Әкімшілік құқықбұзушылық туралы кодекстің 410-бабы бойынша жауапқа тартылды.

Облыстық ТЖД мемлекеттік өрт бақылау басқармасы жылыту маусымында пештер мен түтін құбырларын үнемі тексеріп отыру қажеттігін еске салады. Ақау байқалса, өз бетінше жөндеуге тырыспай, міндетті түрде мамандарға жүгіну қажет.