Учаскелер дауыс беруге дайын және заңнама талаптарына сай Орталық сайлау комиссиясы

— Учаскелерде арнайы бұрыштар жасақталған. Олар компьютерлер, лупалар, қосымша жарықтандыру, дауыс беру бюллетеніне арналған Брайль қарпімен трафареттер, сондай-ақ Конституция жобасының мемлекеттік және орыс тілдеріндегі аудио нұсқасымен жабдықталған. Сонымен қатар ғимараттар пандустармен, кіреберісте тактильдік көрсеткіштермен және ішкі навигациямен қамтамасыз етілген, — делінген ОСК ақпаратында.

Сонымен бірге референдум күні инватакси және сурдоаудармашылардың қызметтері қарастырылады.

Елдің үш өңірінде — Ақтөбе, Қостанай және Павлодар облыстарында пилоттық жоба жүзеге асырылады. Аталған аймақтарда мүгедектігі бар дауыс берушілер үшін инновациялық шешімдер енгізілген бір учаске жұмыс істейді.

Айта кетейік бұған дейін Атырауда референдум және әз-Наурыз күні қоғамдық көліктер жолаушыларды тегін тасымалдайтынын жазғанбыз.