Украинадағы Покровск қаласындағы жағдай күрделі: қалаға шамамен 200 ресейлік сарбаз кірген

Покровск қаласында әскери жағдай ушығып тұр. Украина Қарулы Күштерінің офицері Сергей Цехоцкийдің мәліметінше, қала аумағына шамамен 200–250 ресейлік сарбаз кіріп үлгерген.

УНИАН порталының мәліметінше, жау күштері қаланың ішіне еніп, бекіну мен жасырын бағыттарды іздеуде.

«Олар өтетін жерлерді іздейді, өкінішке қарай, кейде табады да, қалаға сіңіп кетеді. Қазір әртүрлі бағалау бойынша Покровскіде екі жүзден астам оккупант бар», – деді Цехоцкий.

Ауа райының қолайсыздығы мен қаланың күрделі сәулет ерекшелігі дәл санды анықтауды қиындатып отыр.

Покровск маңындағы шайқастар жалғасып жатыр, ал жағдай аймақтағы ең қиын бағыттардың бірі болып қалуда.