Ұлттық жобалар негізгі салаларда нақты нәтиже беруде

Үкімет Мемлекет басшысы Қасым-Жомарт Тоқаевтың экономика мен әлеуметтік саланың негізгі салаларын кең ауқымда жаңғырту туралы тапсырмаларын орындау бойынша жоспарлы жұмыстар жүргізуде, – деп хабарлайды Aikyn.kz.
Осы жұмыс шеңберінде «Келешек мектептері» және «Ауылда денсаулық сақтауды жаңғырту» ұлттық жобаларын жүзеге асыру аяқталды, «Қолжетімді интернет» пен «Энергетикалық және коммуналдық секторларды жаңғырту» жобалары бойынша жұмыстар жалғасуда, сондай-ақ «Көмір генерациясын дамыту» жаңа ұлттық жобасы басталуда.
Өңірлерде әрбір бағыт бойынша нақты нәтижелер көрініс табуда. Бүгінде шамамен 6,3 млн адам неғұрлым сенімді және тұрақты жылумен қамтамасыз етілген. Медициналық көмек шалғай ауылдардың 1 млн тұрғынына қолжетімді болса, мамандандырылған және жоғары технологиялық медициналық көмек 4 млн-нан астам ауыл тұрғындарына көрсетіледі. Сапалы жоғары жылдамдықты Интернет және 4G және 5G байланысы миллиондаған азаматтар мен ауылдық жерлердің тұрғындарын қамтиды, қазіргі заманғы жаңа мектептерде 217 мыңнан астам оқушы білім алуда.
2 Ұлттық жобаны жүзеге асыру аяқталды:
«Келешек мектептері» – 217 мектеп салынды.
«Ауылдық денсаулық сақтауды жаңғырту» – 655 МСАК нысандары салынды.
2 Ұлттық жоба қарқынды жүзеге асуда:
«Энергетикалық және коммуналдық секторларды жаңғырту»;
«Қолжетімді интернет».
Жаңа ұлттық жоба басталуда:
«Көмір генерациясын дамыту».

Сараптама, зерттеу мақала, күнделікті өзекті ақпаратты «Айқынның»   TELEGRAM арнасынан табасыз.