Ұлытау облысында азық түлік бағасының ең жоғары өсімі тіркелді

АСТАНА, 17 желтоқсан - Sputnik. Ұлттық банктің хабарлауынша, 2025 жылдың қарашасында Қазақстандағы жылдық инфляция 12,4%-ды құрады.

Салыстыру үшін айтсақ, қазан айында инфляция 12,6%, ал қыркүйекте 12,9% болды.

Жылдық инфляция 11 аймақта баяулады, бесеуінде жеделдеді, ал төртеуінде тұрақты болып қалды.

Қараша айында азық-түлік бағасы өткен жылмен салыстырғанда 13,4%-ды құрады. Азық-түлік тауарлары бағасының ең жоғары өсімі Ұлытау облысында тіркелді - 17,1%, ал ең төменгісі Алматыда - 11,2%.

Қараша айының соңында азық-түлік емес тауарлардың бағасы өткен жылмен салыстырғанда 11,2%-ға өсті. Ең жоғары көрсеткіш Ақтөбе және Жетісу облыстарында тіркелді, әрқайсысы 13,2%. Ең төменгісі Батыс Қазақстан облысында болды - 8,6%.

Ақылы қызметтер бағасының өсу қарқыны қараша айында өткен жылмен салыстырғанда 12,3%-ға дейін баяулады. Қараша айында ел бойынша айлық инфляция 0,8%-ды құрады.