Үндістанда көмір шахтасындағы жарылыстан 15 кенші қаза тапты

Жергілікті БАҚ мәліметінше, қаза тапқандардың барлығы — Шығыс Джайнтия жоталары округіндегі ауылдардың бірінде орналасқан көмір шахтасында жұмыс істеген кеншілер.

— Қазіргі уақытта 15 адамның мәйіті табылды. Жарылыстан кейін шахта ішінде қалып қойғандарды іздеу-құтқару жұмыстары жалғасып жатыр. Жарақат алған бірнеше адам жергілікті ауруханаға жеткізілді, — делінген ресми хабарламада.

Жергілікті ақпарат құралдарының дерегіне сәйкес, аталған көмір шахтасы заңсыз жұмыс істеген. Оқиғаға қатысты тергеу жалғасып жатыр.

Бұдан бұрын Пәкістанның солтүстік-батысындағы Хайбер-Пахтунхва провинциясының Хайбер ауданында қауіпсіздік күштерінің көлігі жарылып, үш қауіпсіздік қызметкері мерт болғанын жазғанбыз.