Университетке емтихансыз түсіріп беремін : Астанада 480 мың теңге алған күдікті ұсталды

Астанада полицейлер емтихансыз жоғары оқу орнына түсіремін деп уәде берген алаяқтық фактісін әшкереледі, – деп хабарлайды Aikyn.kz порталының тілшісі. 

Анықталғандай, ер адам өзін ықпалды таныс ретінде таныстырып, жәбірленушінің сеніміне кіріп, университетке оқуға қабылдауға уәде берген. Соның нәтижесінде оған 480 мың теңге аударылған. Күдікті ұсталып, қазіргі уақытта сотқа дейінгі тергеу жүргізіліп жатыр.

Полиция азаматтарды жоғары оқу орындарына түсуге қатысты бейресми ұсыныстарға сенбеуге шақырып, оқу орындарына қабылдау тек заңда белгіленген тәртіппен жүзеге асырылатынын еске салды.