“Ұшақпен соқтығысып, аман қалды“. Қазақстанда қандай төлемдерге сенім артуға болады

Австрияда парапланшы ұшақпен соқтығысқаннан кейін аман қалды. Бұл оқиға желі қолданушыларының назарын аударды, ал Tengri Travel редакциясы: егер мұндай жағдай Қазақстанда болса, заң бойынша қандай төлемдер қарастырылған және жолаушылар неге үміт арта алады деген сұраққа жауап іздеп көрді.

Австрияда парапланшы ұшақпен соқтығысқаннан кейін аман қалды. Бұл оқиға желі қолданушыларының назарын аударды, ал Tengri Travel редакциясы: егер мұндай жағдай Қазақстанда болса, заң бойынша қандай төлемдер қарастырылған және жолаушылар неге үміт арта алады деген сұраққа жауап іздеп көрді.

Не болды?

Әлеуметтік желілерде Австрияда болған қорқынышты видео тарады. Шмиттенхё тауының үстінде ұшу кезінде Сабрина есімді 44 жастағы экстремал ұшақпен соқтығысып, ажалдан аман қалды. Экскурсиялық борт оның дәл төбесінен ұшып өтіп, парапланның күмбезін қанатымен іліп кетіп, матаны қақ бөлген. Спортшы құлай бастағанымен, көкте сытылып шығып, соңғы сәтте қосалқы парашютті ашып үлгерген.

Instagram-дағы бұл жазбаны көру

A post shared by TheAuxTalk (@theauxtalk)

Парапланшының айтуынша, ол жеңіл соққы және көгерумен ғана құтылған.

"Осы жазбаны жазып отырғаныма әрі бірнеше жағымсыз көгеру мен соққыдан басқа ешқандай зақым келмегеніне әлі де сене алар емеспін", — деп жазды Сабрина Instagram-да.

The Sun мәліметінше, жерде парапланшыға полицейлер көмектесіп, кейін оны тікұшақпен жергілікті әуежайға жеткізген. Ал ұшақ Целль-ам-Зее айлағына сәтті қонды. Қазіргі уақытта жергілікті полиция тергеу жүргізіп жатыр.

Қазақстанда қандай өтемақы қарастырылған? Кім ала алады?

Бұл оқиға мынадай ойға қалдырды: егер мұндай жағдай бізде болса ше? Қазақстанда мұндай Төтенше жағдайлар қалай реттеледі? Азаматтық авиация комитетінің өкілдері (ААК) жолаушылардың құқығы Монреаль конвенциясымен қорғалатынын түсіндірді. Әуе тасымалдаушысы жолаушы қаза тапса немесе жарақат алса өтемақы төлеуге міндетті, егер оқиға қатаң белгіленген жағдайларда болса:

тікелей ұшақ бортында; ұшаққа отырғызу немесе одан түсу кезінде.

Бұл ретте тасымалдаушының психологиялық жарақат үшін жауапкершілігі қарастырылмаған. Тек қаза болу немесе дене жарақатын алу жағдайында төленеді.

ААК мәліметінше, тасымалдаушыдан өтемақыны аман қалған жолаушы немесе қаза тапқан адамның туыстары талап ете алады.

Қанша төлем алуға болады?

Монреаль конвенциясына сәйкес, жолаушы қаза болған немесе жарақат алған жағдайда өтемақы сомасы 128 812 арнайы қарыз алу құқығына (SDR) дейін жетуі мүмкін, бұл шамамен 167 мың доллар. ААК өкілдері бұл бірыңғай максималды жауапкершілік лимиті өлім жағдайына да, жарақат алу жағдайына да қатысты екенін атап өтті.

"SDR курсын (1 SDR ≈ 1,30 АҚШ доллары) ескерсек, өтемақы сомасы шамамен 167 000 АҚШ долларына дейін жетуі мүмкін. Бұл төлемдер конвенция ережелерімен реттеледі", - деп атап өтті ААК өкілдері.

Ескеретін қандай мәселелер бар?

ААК өкілдері өтемақы алу үшін әуе апатынан кейін келтірілген залалды дәлелдеу қажет екенін, бірақ тасымалдаушының кінәсін дәлелдеудің қажеті жоқтығын айтты.

"Өтемақы алу үшін зардап шеккен тарап іс жүзінде келтірілген залал көлемін дәлелдеуі тиіс. Бдұл ретте белгіленген лимит шегінде тасымалдаушының кінәсін дәлелдеу талап етілмейді", - деп толықтырды ведомство өкілдері.

Бұл ретте тасымалдаушы жекелеген жағдайларда ғана төлемнен бас тарта алады

"Конвенцияның 21-бабы 1-тармағына сәйкес, тасымалдаушы белгіленген лимит шегінде өзінің жауапкершілігін алып тастай алмайды немесе шектей алмайды. Бұл ретте, егер тасымалдаушы зиян оның салғырттығынан болмағанын немесе тек үшінші тұлғалардың әрекетінен болғанын дәлелдесе, осы лимиттен асатын талап қабылданбауы мүмкін", - деп түсіндірді ААК өкілдері.

Өтемақыға тағы кім жауапты?

Азаматтық авиация комитеті әуе компаниясы ғана жауапты емес екенін атап өтті.

Ереже бойынша, тасымалдаушылар өз жауапкершілігін сақтандыруға міндетті. Сондай-ақ өтемақы төлеуге әуе кемесінің иесі мен пайдаланушылар да қатысуы мүмкін.

"Зиянды өтеу жауапкершілігі тасымалдаушыға жүктеледі. Конвенцияның 50-бабына сәйкес, тасымалдаушылар өз жауапкершілігін сақтандыруды қамтамасыз етуге міндетті. Сондай-ақ, "Әуе кеңістігін пайдалану және авиация қызметі туралы" заңның 87-бабына сәйкес, әуе кемелерінің иесі мен пайдаланушылары да жауапты", - деді ААК өкілдері.

Еске салсақ, таяуда United Airlines жолаушыларының бірі төбелес шығарып, көкте апаттық есікті ашуға әрекеттенген. Лайнер шұғыл жерге қонды, енді бұзақыға қомақты айыппұл салынады немесе түрмеге қамалуы мүмкін. Біз оқиғаның мән-жайын анықтап, Көліктегі полиция департаментінен Қазақстанда мұндай әрекет үшін қандай жаза қарастырылғанын білдік.

Google News арқылы жаңалықтарымызды қадағалаңыз

Жазылу