“Вагон болмай шықты“ жолаушы Павлодарға баратын пойызға шағымданды

Алматы тұрғыны Павлодарға баратын пойыздың кешігуіне және суықта күтуге мәжбүр болғанына шағымданды. Оның айтуынша, вагондардың бірі құрамда жоқ болып шыққан. Tengri Travel мән-жайды анықтады.

Алматы тұрғыны әлеуметтік желіде әжесін Алматыдан Павлодарға пойызбен шығарып салу кезінде болған жағдай туралы айтып берді.

"Пойыз 15 минутқа кешігіп келді, ал біздің вагонымыз құрамда мүлдем жоқ болып шықты! Суықта тағы 30 минут күтуге тура келді, ал жолаушылар арасында кішкентай балалар да болды!" - деп атап өтті жазба авторы.

Скриншот: Threads

"Жолаушылар тасымалы" АҚ баспасөз қызметі №32 Алматы - Павлодар бағытындағы пойыз теміржол желілеріндегі жөндеу жұмыстарына байланысты кешіккенін хабарлады.

"Бұл шаралар теміржол инфрақұрылымының сенімділігін және жолаушылар мен жүктерді тасымалдау қауіпсіздігін қамтамасыз ету үшін қажет", - деп атап өтті тасымалдаушы.

Баспасөз қызметі бір вагон жоқ болып шыққаны туралы ақпаратты теріске шығарды.

"Пойыз құрамында бір вагонның болмағаны туралы ақпарат шындыққа жанаспайтынын хабарлаймыз. Пойыз бекітілген схемаға сәйкес толық жасақталған", - деп хабарлады компания.

Тағы оқыңыз: Тендерде жеңіске жеткеннен кейін тексеріс басталды: “Жолаушылар тасымалы“ жағдайды түсіндірді

Бізді Google-дың негізгі дереккөздер тізіміне қосыңыз