Владимир Путин мен Маргарита Симоньян Үндістанда RT India арнасын іске қосты

АСТАНА, 5 желтоқсан - Sputnik. Ресей президенті Владимир Путин "Россия Сегодня" медиа тобының және Russia Today телеарнасының бас редакторы Маргарита Симоньянмен бірге Үндістанда RT хабар тарату арнасын іске қосты, деп хабарлайды РИА Новости.

"Құрметті достар, бүгін маңызды, өте маңызды оқиға болып отыр. Біз Үндістанда Russia Today арнасын – RT India-ны іске қосып жатырмыз", - деді ол.

Владимир Путин миллиондаған үндістандықтар Ресейдегі жағдай туралы дәлірек және қолжетімді ақпарат ала алатынын атап өтті. RT India екі елдің қоғамдарына ынтымақтастықтың басым мәселелері бойынша бағыт-бағдар беруге көмектеседі.

"Мен RT Ресейдің бүгінін көрсетуге ғана емес, сонымен бірге біздің қоғамды өзара әрекеттесуіміздің басым мәселелері мен бағыттарына бағыттауға көмектеседі деп сенемін", - деді Ресей президенті.

Ресей президенті кейбір елдер шындықтан қорқып, RT арналарын жауып жатқанын айтты.