Зеленский Ресей жариялаған уақытша бітімге сай әрекет ететінін мәлімдеді

АСТАНА, 10 сәуір – Sputnik. Украина басшысы Владимир Зеленский Ресей жариялаған Пасха бітіміне сай әрекет ететінін мәлімдеді, деп хабарлайды Sputnik Қазақстан.

9 сәуірде Кремльдің ресми сайтында Владимир Путин православтардың Пасха мерекесінің жақындауына байланысты бітім жариялағаны туралы хабарлама жарияланды. Бітім Астана уақытымен 2026 жылдың 11 сәуірі сағат 18:00-ден бастап 12 сәуір күнінің соңына дейін жалғасады.

"Украина бірнеше рет дәл сондай жауап қадамдарға дайын екенін мәлімдеді. Біз биыл Пасха мерекесі кезінде атысты тоқтатуды ұсындық және соған сай әрекет етеміз", - деп жазды Зеленский өзінің Telegram каналында.

Бұған дейін Зеленский биыл Пасха кезінде атысты тоқтатуға дайын екенін айтқан еді. Алайда өткен жылы Мәскеу Киевтің Пасха бітімін 4 900 рет бұзғанын хабарлаған болатын.