Жәнібек Эрисланди кездесуінде үш чемпиондық атақ сарапқа салынады

Дастан Сәтпаев әлемдегі ең үздік бес футболшының қатарында. Аладоп аламанының арнайы платформасы 17 жастағы ойыншылардың рейтингін жариялады. Оған сәйкес қазақстандық Дастан Сәтпаев алдыңғы бестікке кірді. Бұл отандық футбол тарихындағы ерекше оқиға. Дастан чемпиондар лигасында гол соққан ең жас ойыншылардың бірі ретінде де танымал.

Жәнібек-Эрисланди кездесуіне дайындық

Елге үшінші титулды апарамын. Қазақстандық Жәнібек Әлімханұлы кезекті кездесуінің алдында осындай мәлімдеме жасады. Ол бірер күннен кейін, нақтырақ айтқанда, алдағы жексенбі күні АҚШ төрінде кубалық Эрисланди Ларамен жұдырықтасады. Бұл кездесуді көпшілік тағатсыздана күтіп жүр. Өйткені үш бірдей чемпиондық атақ сарапқа салынады. Яғни Жәнібек қазір WBO және IBF тұжырымдары бойынша әлем чемпионы. Ал Эрисланди WBA тұжырымы бойынша әлем үздігі. Жәнібектің көрсеткіші 17 жекпе-жек, 17 жеңіс. Ал Эрисланди 37 жекпе-жек өткізіп, 31 мәрте жеңіске жетті. Қос мықты арасындағы кездесу 12 раундқа есептелген және басым түскен тарап үш белддікті де иемденеді. Осы тұрғыда Жәнібек әлеуметтік желідегі парақшасына «Жекпе-жек уақыты жақындады. Бұйырса, елге үшінші әлем чемпионы титулын алып барамын» деген жазба қалдырды. Тағы бір айта кетейік, Жәнібек Әлімханұлы мен Эрисланди Лара кезедесуі 7 желтоқсан күні АҚШ-тың Сан-Антонио қаласында өтеді. Жекпе-жек өзі біздің уақытпен таңғы 6 шамасында басталады. Оны отандық телеарналар тікелей эфирде көрсетеді.

Бокс бәсекесі ашық аспан астында өтеді

Жекпе-жектер ашық аспан асында өтеді. Бүгін Біріккен Араб Әмірліктерінің Дубай қаласында бокстан ерлер арасындағы әлем чемпионаты басталады. Бұл IBA атауымен танымал Халықаралық бокс федерациясының дүниежүзілік додасы.

Ерекшелігі сол, жарыс өткізетін жер ретінде әдеттегідей жабық спорт кешені емес, ашық аспан астындағы теннис орталығы таңдалған. Соған сәйкес жекпе-жектердің уақыты шегерілді. Яғни күндізгі сессия 17:00-де, ал кешкі сессия 22:00-ге жоспарланып отыр. Қазір жарысқа қатысушылар Дубайға жетіп, аталмыш алаңда дайындықты пысықтауға кірісті. Оның ішінде ұлттық құарма өкілдері де бар. Әлемдік аламанда ел намысын Теміртас Жүсіпов, Даниял Сәбит, Сәкен Бибосынов, Оразбек Асылқұлов, Серік Теміржанов, Ертуған Зейнуллинов, Санатәлі Төлтаев, Абылайхан Жүсіпов, Сабыржан Аққалықов, Ерасыл Жақпеков, Дәулет Төлемісов, Нурмагамед Юсупов және Нұрлан Сапарбайлар қорғайды. Бүгін ресми ашылу салтанаты және жеребе тарту рәсімі болады. Ал шаршы алаңдағы айқастар ертең басталады. Дубай қаласындағы жарыс 13 желтоқсанға дейін жалғасады. 

Е. Жомарт: Бірлескен жұмысты күшейту керек

Футбол академиялары арасындағы қарым-қатынасты күшейтіп, бірлескен жұмыстар жүргізу маңызды. Бұл жөнінде елімізге танымал футбол маманы Еркебұлан Жомарт мәлімдеді. Ол жыл сайын бірнеше елдің балалар командасын елордаға жинап, халықаралық турнир өткізеді. Байрақты бәсеке биыл төртінші мәрте ұйымадстырылып жатыр. Оған 7 елдің өрендері қатыспақ. Яғни мәскеулік «Спартак», ташкенттік «Пахтакор», бакулік «Карабах» және тбилисилік «Динамо» шәкірттері келеді. Қырғызстан және Тәжікстан командалары да өнер көрсетеді. Бұған қоса еліміздің түкпір-түкпіріндегі жас футболшылар бар. Осы жарыс аясында қатысушы тараптар арасында меморандумдар жасалып, алдағы уақытта балалар футболын бірлескен форматта дамыту көзделіп отыр. «Астана Кубогы» деп аталатын халықаралық жарыстың өзі 6-9 желтоқсан аралығында болады.