Жапондық Pepper роботы Гиннестің рекордтар кітабына енді

SoftBank компаниясының Pepper роботы Гиннестің рекордтар кітабына әлемдегі алғашқы жаппай шығарылған гуманоид сервистік робот ретінде енді.

Жапон нарығында Pepper роботының алғашқы дебюті 2014 жылдың маусым айында болды. 121 см биіктіктегі гуманоид робот адамдармен ауызша сөйлеседі және сауда орталықтарында, мейрамханаларда, мектептерде және қарттар үйінде кеңінен қолданылады. Кейінірек SoftBank жасанды интеллектпен жабдықталған Pepper+ нұсқасын іске қосты.

— Біз роботтарымыздың мүмкіндіктерін кеңейтуді жалғастырамыз, — деп атап өтті SoftBank компаниясы.

Айта кетейік, роботты сатып алу мүмкін емес, оны тек SoftBank-тен жалға алуға болады. Жылдық жалдау айына 43 780 иен (282 доллар), ал ай сайынғы жалдау 76 780 иен (494 доллар).

Айта кетейік, Қытайдың Xiaopeng Motors компаниясы жаңа буындағы IRON роботын таныстырды.