Жатыр мойны обырының алдын алуға болады: 265 мың қыз балаға вакцина салынды

АСТАНА, 10 шілде – Sputnik. Қазақстанда адам папилломасы вирусына (ВПЧ) қарсы тегін вакцинация жалғасып жатыр. Қазірдің өзінде 11–13 жастағы 265 мыңнан астам қызға екпе салынды.

14–17 жас аралығындағы қыздар ерікті түрде вакцина ала алады.

Адам папилломасы вирусы – жатыр мойны обырының негізгі себептерінің бірі. Вакцина вирус жұқтырғанға дейін салынса, ең жоғары тиімділік береді.

Қазақстандағы жекеменшік клиникаларда вакцинаның бір дозасы 90 мыңнан 138 мың теңгеге дейін тұрады. Ал мемлекеттік бағдарлама аясындағы тегін вакцинацияның арқасында ата-аналар екі дозадан тұратын толық курс үшін кемінде 180 мың теңгені үнемдейді.