Желіде қазақтарға тіл тигізген Алика Мухамадиеваға сот үкімі шықты

Бүгін Қарағанды қаласының Қазыбек би атындағы аудандық соты Алика Мухамадиеваға бас бостандығынан айыру жазасын тағайындады, деп жазады Egemen.kz.

Десе де айыпталушының 2 жасар баласы бар екені ескеріліп, жазасын өтеу мерзімі кейінге шегерілген.

Бұл шешім 2025 жылғы 16 қыркүйектен бастап Қылмыстық заңға 5 жылдан астам бас бостандығынан айыру жазасы тағайындалатын жекелеген қылмыстарды қоспағанда, жас балалары бар әйелдер үшін жазаны өтеуді кейінге қалдыруды міндетті түрде қолдануды көздейтін өзгерістер негізінде қабылданған. 

Еске салайық, Алика Мухамадиева әлеуметтік желіде халықаралық алауыздық тудыратын пікір жазған. Кейіннен кәсіпкер желіде кінәсін мойындап, кешірім сұраған болатын. Ол сотта да осы ұстанымынан таймай, кінәсін толық мойындады.