Жемқорлыққа қарсы қызметтің өкілі ақтөбеліктерді тақырға отырғызды

Күдікті жәбірленушілердің біріне жемқорлыққа қарсы қызметте жұмыс істейтінін, мекеме базасында тәркіленген арзан пәтерлер мен көліктер барын айтқан. Сондай-ақ «Даму» қоры арқылы 15 миллион теңгеге дейін қайтарымсыз несие рәсімдеп беруге уәде берген. Сөзіне сенген әйел алдымен пәтер үшін 2 миллион теңге, кейін несие үшін тағы бірнеше рет ақша берген. Тіпті қажетті соманы жинау үшін банкпен 2 миллион 700 мың теңгеге несие рәсімдеген.

Алаяқ дәл осындай сценариймен тағы үш тұрғынды алдап, миллиондаған теңгесін иемденген. Олар да арзан баспанадан үміткер болған еді. Алданғанын түсінген зардап шегушілер полицияға арызданған.

«Қауіпсіз шотқа ақша аударыңыз»: Ақтөбе тұрғынының қомақты қаржысын алаяқтар иемденіп кеткен

Сот залында алаяқтық жасады деп айыпталған азамат кінәсін толықтай мойындады, бірақ адамдарды нақты қалай алдағаны есінде жоқ екенін айтқан.

Үкім шыққанға дейін айыпталушы барлық зардап шегушілерге келтірілген шығынды толық өтеген. Тараптар өзара медиациялық келісімге келді.

Қостанай облысында қоныс аударушылар баспана алу кезінде алаяқтық жасаған

Нәтижесінде сот оны 3,5 жылға бостандығын шектеу жазасын кесті. Енді ол пробация бақылауында болады: жұмыстан тыс уақытта үйінде отыруы тиіс және көңіл көтеру орындарына баруға құқығы жоқ. Тәртіп бұзған жағдайда жазасы нақты бас бостандығынан айыруға ауыстырылады.