Жеті театрды жігерлендірген би

Биылғы Наурыз мейрамында Алматы театрлары «Қара жорға» биінің ырға­ғы­мен тоғысты. Алматының беткеұстар театрлары көктемнің кел­генін әй­гі­л­ейтін мереке қарсаңында бір үйдің баласындай «Қара жорға» биледі.

Осынау ауқымды перформансқа Алматыдағы Наталия Сац атындағы театр мұрындық болды. Оған Мәдениет және ақпарат министрлігі мен Алматы қаласы әкімдігі қолдау көрсетті.

Ғаламат би шеруіне Ғ.Мүсірепов атын­дағы Қазақ мемлекеттік акаде­мия­лық балалар мен жасөспірімдер театры, М.Лермонтов атындағы Мемлекеттік академиялық орыс драма театры, Қ.Қожамияров атындағы рес­публикалық мемлекеттік акаде­миялық ұйғыр музыкалық комедия театры, Республикалық мемлекеттік академиялық корей музыкалық комедия театры, Республикалық акаде­мия­лық неміс драма театры да қосылды.

Жоғарыдағы театрлардың бағы­ты мен жанры, шығармашылық мектеп­тері басқа болса да, «Қара жорға» биі­нің ырғағы оларды біртұтас мерекелік сахнаға айналдырды. Бұл әрі тарихтан тамыр алған ынтымақтың жарқын нышаны іспетті әдемі әсер қалдырды.

Өз кезегінде «Салтанат» мемле­кет­тік би ансамблі бірегей хореография әзірлеп, флешмобтың кәсіби деңгейде өтуіне үлес қосты. Жобаның жүзеге асуына Almaty TV телерадиокомпаниясы да ерекше ықпал еткенін атап өткен жөн. Арна хабар таратушы ғана емес, негізгі ақпараттық серіктес әрі идеялық қолдаушы ретінде түсірілім жұмысын ұйымдастырып, медиялық қолдау көрсетті. Соның арқасында мерекелік көңіл күйді миллиондаған көрермен экран арқылы сезіне алды.

Ерекше тоқтала кететін тағы бір жайт, флешмобқа қатысқан драма актер­лері кәсіби бишілермен бірге, небәрі бір аптаның ішінде дала биін шебер меңгеріп, мәдени мұраға деген сүйіспеншілігін сыйғыза білді.

АЛМАТЫ 

Соңғы жаңалықтар

Қазақы тағамның қасиеті

Экономика • Бүгін, 08:53

Атыраудағы бірегей зауыт

Өндіріс • Бүгін, 08:50

Жұмыссыздарға қандай қолдау бар?

Сараптама • Бүгін, 08:48

Көлік кептелісі шектен шықты: Әрбір жүргізуші жылына кемінде 50 сағат көшеде қаңтарылып тұрады

Қоғам • Бүгін, 08:45

Технология мен ғылымды тоғыстырған

Ғылым • Бүгін, 08:43

Алматы Кремний алқабына айнала ма?

Ғылым • Бүгін, 08:40

MIT-ке қабылданған оқушы

Білім • Бүгін, 08:38

Жазата жеткізген жәдігер

Жәдігер • Бүгін, 08:35

Берекенің бесігі

Көрме • Бүгін, 08:33

«Алтын ғибадатханада» күйреген сенім

Әдебиет • Бүгін, 08:30

Актер шындығы қайда жоғалды?

Өнер • Бүгін, 08:28

Сәулелі кеңістіктің секемшіл суреті

Әдебиет • Бүгін, 08:25

Нөкерсіз жүрген, нөсерге төзген

Тұлға • Бүгін, 08:23

Тасқынға тастүйін дайындық

Су тасқыны • Бүгін, 08:20

Тағдырын таныған таланттар

Әдебиет • Бүгін, 08:18

Барлық жаңалықтар