ЖКО дан кейінгі кісі өлтіру: Шымкентте атышулы іс бойынша сот басталды

Шымкентте жол-көлік оқиғасынан кейін ер адамның өлтірілуіне қатысты атышулы іс бойынша сот процесі басталды, деп хабарлайды Tengrinews.kz тілшісі КТК арнасына сілтеме жасап.

2026 жылғы 20 қаңтарда Ерімбетов пен Рысқұлов көшелерінің қиылысында жол-көлік оқиғасы болды. Оқиғаға қатысушылар өзара есеп айырыса бастаған, екі жүргізушінің жанжалына үшінші көлікпен келген адамдар қосылған. Төбелес барысында бірнеше адам пышақ жарақатын алды.

Кейінірек күрестен спорт шебері, 40 жастағы Василий Колесниковтың өлтірілгені белгілі болды - оны ұрлап әкетіп, қала сыртына апарған. Кейін оның мәйіті табылды.

21 қаңтарда полиция кісі өлтіру және бұзақылық жасады деген күдікпен төрт ер адамның ұсталғанын хабарлады. 25 қаңтарда тағы үш күдікті қолға түсті.

Қорғау тарапы бұл оқиға апаттан кейінгі кездейсоқ төбелес емес, алдын ала дайындалған тұтқиылдан шабуыл болғанын алға тартты. Колесников ұрланғаннан кейін оны бірнеше сағат бойы іздеген. Кейін оның денесі Шымкент маңынан табылды. Тергеу мәліметінше, мәйітте аяусыз азаптау іздері болған.

"Ерекше қатыгездік таныта отырып, Колесниковқа қатты доғал затпен, сондай-ақ өткір кескіш затпен бірнеше рет соққы жасаған. Салынған дене жарақаттары оның өліміне әкеп соқтыруы мүмкін екенін түсіне отырып және осындай салдардың болуын қалай отырып, олар оны қасақана өмірден айырды", - деді мемлекеттік айыптаушы Мұхтар Арыстанов сотта.

Сот алдында алты күдікті жауап беріп жатыр, тағы екі адамға іздеу жарияланған.

Google News арқылы жаңалықтарымызды қадағалаңыз