“Жүргізушілердің зәресін алды“. ІІМ Алматыдағы рейдке қатысты шағымдарға жауап берді

Ішкі істер министрінің орынбасары Санжар Әділов Алматыдағы тексерістің күшеюіне қатысты жүргізушілердің шағымына түсініктеме берді. Ол рейдтерді қоғамдық тәртіп пен жол қауіпсіздігін қамтамасыз етуге бағытталған "қалыпты тәжірибе" деп атады, деп хабарлайды Tengri Auto.

Ішкі істер министрінің орынбасары Санжар Әділов Алматыдағы тексерістің күшеюіне қатысты жүргізушілердің шағымына түсініктеме берді. Ол рейдтерді қоғамдық тәртіп пен жол қауіпсіздігін қамтамасыз етуге бағытталған "қалыпты тәжірибе" деп атады, деп хабарлайды Tengri Auto.

Әділов Алматыда әртүрлі өңірден полицейлер тартылып, күшейтілген жедел алдын алу шаралары жүргізілгенін, бірақ мұндай іс-шаралар бүкіл ел аумағында тұрақты түрде өтіп тұратынын айтты.

"Бұл қалыпты жұмыс тәртібі, оны тек Алматыда ғана емес, басқа өңірлерде де қолданамыз. Бұл тек жол қауіпсіздігіне емес, құқық бұзушылықтың өзге де түрлеріне қатысты", - деді ол.

Сонымен қатар, оның айтуынша, негізгі басымдық құқық бұзушылықтардың алдын алуға берілген.

"Алдымен ұсақ заңбұзушылық жасаған автокөлік иелерімен әңгімелесу жүргізіліп, ескерту жасалады. Ал өрескел заңбұзушылық жасағандар тиісті жазасын алады", - деді министрдің орынбасары.

ІІМ өкілі полиция тәулік бойы жұмыс істейтінін және заңбұзушылықтардың барлық түріне ден қоятынын айтты.

Бұған дейін ІІМ Алматыдағы күшейтілген тексерісті жоспарлы іс-шара деп түсіндірген болатын. Ішкі істер министрінің бірінші орынбасары Бауыржан Әленов мұндай тексерістердің еліміздің әртүрлі өңірінде тұрақты түрде өткізілетінін және олардың уақытша сипатта екенін айтқан.

Алматыда "STOP-бұзушылық" ауқымды жедел іс-шарасы өтіп жатыр. Оған жол қауіпсіздігі мен қоғамдық тәртіпті бақылауды күшейту үшін басқа өңірлерден қосымша полиция экипаждары жіберілген.

Ведомство өкілдері мұндай іс-шаралардың мақсаты — құқық бұзушылықтар санын азайту және жолдағы тәртіпті жақсарту екенін айтады.

Осы тұста Парламентте бақылауды күшейту туралы ұсыныстар айтылды. Атап айтқанда, депутат Бақытжан Базарбек мажорлардың жүйелі заң бұзушылықтары туралы мәлімдесе, сенатор Марат Қожаев жол ережесін өрескел бұзатын жүргізушілерге қатысты қатаң шаралар қолдануды ұсынды.

Следите за нашими новостями в Google News