1 литр сүт өндірсеңіз, мемлекеттен 30 теңге беріледі

Бұған дейін Президент Үкіметке мал шаруашылығын мықтап дамытуды тапсырды. Ауыл шаруашылығы еңбеккерлерінің екінші форумында бұл мәселеге баса назар аударғаны есімде. Осыған орай Aiqyn елдегі мал шаруашылығының жай-күйін, қолға алынып жатқан бастамаларды білмекке Ауыл шаруашылығы министрлігіне қарасты Мал шаруашылығы дептартаменті директорының міндетін атқарушы Бағлан Аймұрзаевты әңгімеге тартты. Әуелгі сұрақ субсидия жайлы болды

Субсидияда – өндірілген өнімге берілетін ақша. Мәсе­лен, 1 литр сүт өндірсеңіз, мемлекеттен литріне 30 теңге беріледі. Президент субсидиялаудан жеңілдетілген несиеге кезең-кезеңімен өту бойынша тапсырма берген. Оны орындауы­мыз қажет. Бізде субсидияны түгел жою міндеті жоқ. Көр­ші Ресей тәжірибесінде федеративтік және өңірлік деңгейде субсидиялап, жең­іл­детілген несие беріп қолдау білдіреді. Олардың өнімі Қазақстан нарығына кіргенде біздікілердің бәсекеле­суі қиын болады. Сол себепті де тиімді субси­дия­лар қалады. Қазіргі кезде талдау сарапта­малық жұмыстары жүргізілуде. Жалпы, кейбір субсидиялар қазірге дейін өзінің тиімділігін көрсетіп келеді. Мысалы, құс шаруашылығында келісіне 60 теңге суб­сидия беріледі. Елде 2020 жылы құс етімен қамтамасыз ету 58 пайыз болса, қаз­ір 79 пайызға жеткіздік. Мұны осы суб­си­дия­­лардың көмегі деп білуіміз керек. Өйткені кәсіпкер несие алған кезде субси­дия­ның арқасында қайтарымды­лы­ғын азайтады. Сондай-ақ малды асылдан­дыру үшін коо­перативтерге субсидия берілген еді. Алайда жемқорлық фактілері байқа­лып, заңсыз­дық орын алған соң тоқ­татылды. Осындай жағдаяттың бәрін ескере келе, субсидия мәселесі әлі де сарапталу үстінде, - деді спикер

Толық сұхбатты мына сілтемеге өтіп оқи аласыз