1 миллион доллар шығын Германия Қазақстанға алаяқтық жасады деген күдіктіні тапсырды

Германиядан Қазақстанға аса ірі көлемде алаяқтық жасады деп күдікке ілінген шетелдік экстрадицияланды. Ер адам 10 жылдан астам уақыт бойы іздеуде болған, деп хабарлайды Tengrinews.kz Бас прокуратураға сілтеме жасап.

Германиядан Қазақстанға аса ірі көлемде алаяқтық жасады деп күдікке ілінген шетелдік экстрадицияланды. Ер адам 10 жылдан астам уақыт бойы іздеуде болған, деп хабарлайды Tengrinews.kz Бас прокуратураға сілтеме жасап.

Бас прокуратура мен ІІМ Интерпол қызметкерлері, Қазақстанның Германиядағы елшілігінің қолдауымен аса ірі мөлшерде алаяқтық жасағаны үшін қылмыстық жауаптылыққа тарту мақсатында шетелдік азамат экстрадициялады.

"Тергеу барысында, күдікті 2014 жылы адамдар тобының алдын ала сөз байласуымен, компьютерлік техниканы жеткізуге жәрдем көрсету сылтауымен қазақстандық кәсіпкердің 1 миллион АҚШ доллары көлемінде қаражатын алдау арқылы иемденгені анықталды", - делінген хабарламада.

Қылмыс жасағаннан кейін күдікті жасырынып, оған халықаралық іздеу жарияланған.

2025 жылдың қыркүйегінде ол Германияда ұсталып, Бас прокуратураның сұрауы бойынша Қазақстанға берілді.

Қазіргі уақытта сотталушы тергеу изоляторына қамалған.

Айыпталған қылмысты жасағаны үшін мүлкі тәркіленіп, 10 жылға дейін мерзімге бас бостандығынан айыру жазасы қарастырылған.